240
REGISTRES DU BUREAU
[i5i7]
lad. Dame ne mettrait point en oubly l'honneur et don que l'on luy feroit de parla Ville, et conseilloit 1res instanment ainsy le faire.
Sur quoy, la matiere debatue soubz umbre de consequence par mess" les Conseillers de la Ville ad ce presens, a neantmoins esté deliberé et conclud de leur oppinion: que l'on fasse don et present de par la Ville à lad. Dame en vesselle jusques à deux mille cinq cens livres tournois ou environ, et que ce
pourra trop plus proffiter à la Ville en quelques ses affaires qui peullent survenir que ne monte lad. somme. Etaussi du temps du Roy Loys xic fut faicte entrée et don de par la Ville à madame Anne de France, duchesse de Bourbon'1', jusques à la valeur de lad. somme: qui semble estre cas assez semblable, et que le Roy le prendra à plaisir, car l'honneur et plaisir fait à la mere redonde au filz.
CCCLXI. — Deliberation d'inviter la Roïne à disner en l'Ostel de la Ville.
4 mai 1517. ( Fol. 317 r°. )
Et le lundi quart jour de May l'an mil vc dix sept, fut faicte Assemblée de mess™ les Conseillers de la Ville, et mys en termes si on inviterait la Royne après son entrée a Paris, en luy faisant son don et present, de venir disner à la Ville tel jour qu'i luy plairait prendre.
Et par l'oppinion des assistans fut conclud que ainsi avoit esté fait aux roynes Anne et Marie der­nieres <2' et que ainsi se debvoit faire à celle de present, ad ce qu'elle n'eust cause de s'en malcon-tanter; et que ja par la deliberation du xvi" jour de
Mars derrenier passé(3) avoit esté ordonné de luy faire le plus honorable recueil que l'on pourroit à son entrée sans riens diminuer des sollempnitez acoustumées; toutes fois que l'on advisast bien d'y mettre si bon ordre que la Ville y eust honneur; car derrenierement y eust grosse confusion au service, pour cause de la multitude des gens qui estoient de­dans led. Hostel de la Ville et empeschoient <jue l'on ne povoit avoir passaige à porter les viandes sur les tables W.
CCC LXII. — [Entrée de la Royne à Paris].
17 mai 1517. (Fol- 317 v°.)
Oud. an mil vc dix sept, le mardi xnc jour de May, lad. Dame fil son entrée à Paris environ quatre heures après mydy, richement acoustrée sur une lit— tiere descouverte. Et la suivoit incontinant Madame, Mere du Roy; en une liltiere couverte; et après, sur des hacquenées, les duchesses d'Alençon mere et fille, de Vendosmois mere et fille, de Nemoux tante du Roy, et plusieurs autres grans dames, tant sur hacquenée que cn cheriotz. Et à costé d'elle à dextre et senestre, marchoient sur leurs mulles les duez d'Alençon et de Bourbon(5). Et devant, groz nombre de princes et seigneurs du sang et lignaige du Roy et de lad. Dame, et autres grans seigneurs, ainsi que en tel cas est acoustumé.
Et furent au devant d'elle jusques à la Chappelle
S1 Denis mess™ les Prevost des Marchans et Esche­vins et Clerc de la Ville, vestuz de robbes my par­ties de velours rouge et tanné et pourpoins de satin cramoisy, acompaignez des archers et arbalestriers de la Ville qui marchoient devant à cheval en bon ordre, el des seize Quarteniers d'icelle, pareille­ment des bourgois el marchans des Confrairies des communautez de la Drapperie, Espicerie, Pelle­terie, Mercerie, Orfèvres, Bonnetiers et Tainctu-riers, vestuz chascune communauté de divers habitz; c'est assavoir :
Les quatre esleuz de la Drapperie à porter le ciel dedans la ville depuis la Trinité jusques à S' Leu S1 Gille, vestuz de satin violet; et de lx à mi" de leur estat, vestuz de drap d'icelle couleur;
O Anne de Beaujeu.
<2> Voy. ci-dessus art. CLXIX pour la reine Anne de Bretagne, et art. CCCXXIV pour la reine Marie d'Angleterre.
W Ci-dessus, art. CCCLVII.
(4) Le détail de cette "confusion et empeschement- est donné tout au long el en termes pittoresques à l'art. CCCXXIV ci-dessus.
(-> Sur ces personnages voy. aux notes des pages 208 et 209. — Le. duchesse de Nemours : Marie d'Orléans, fille de Charles, duc d'Orléans, et de Marie de Clèves, veuve de Jacques de Foix, mère de Gaston de Foix duc de Nemours, était sœur du roi Louis XII et laute de François 1°'.